Life frigg up..
Life frigg up -life frigg up life frigg up
Life frigg up..life frigg up life frigg up!!
Papa San say life funny..and riddim used to get jack up
But when life frigg up never you think about pack up
Mi bredren Pablo get married..good life him did a live up
Find 4 foot ina him bed while pon him 2 him a stand up
Wifey take dem 4 youth next country gone gallop
You feel sey dat bad
A little storm in a teacup
Some people ina a problem which catch dem right to dem kneecup
Underage get abuse…every night hell on earth!
You think black people/ dem thing dem no keep up!
Mother turn a blind eye imagined benefits she reap up..
To lose a loved one most time the pain long fi ease up
What about di bondage which come about from white Jesus?
Education material which African child a read up?
You think a small problem?!!
It mean di country don’t big up!
12 year old with AK..ina bush and a bleed up..
Some wicked man come to him village family slain like young pup
Suffer from ignorance / don’t get the chance to get keyed up
If dem could close di cobalt mine
Livity maybe freed up
Disease a next thing /Doctor ring /say ‘your time up!’
Exercise and eat good..
Still Forty… you no see blood!??
Good wife life frigg up/ husband gambling get bankrupt.
Wha happen to Mikey who hearing voice from him teapot
Some meet in accident
And them get bruck up..
Its all relative no point you get stuck up..
Now fi who life mudd up?