Hey Youthman!!
Listen mi talk
No gwan like a fool man..
Some old time song from the proper old school man
Just take it cool
Cah you no name super mutant
The power of a human?

A question to the youth

______________________

Why oonu a stab chest/ gut/neck and juck hard
Wha happen to a man wet?
To face full a scar?
Mostly arm and leg use to get juck ina war
So how dis ting ya gone so far!

A question to the youth
Since when young gal on list fi get rob
Since when youth a plot fi to rob elderly Dad
Fi have rape house in board up council flat
People this ano careless chat

A question youthman..
Mi not talking the ones which “OK”…
Youthman you mi a talk if you have time a lay lay..
A shot you little ting/ in the general melee
Mi little cousin
Him a move di wrong way

Hear him

“A eediot ting fi study/ work and run go get pay!!”
“What nuff work ina week/ mi will make ina day”
Better mi be hunter cah pussy dem get prey
So tell me big man what you say?

Hey Youthman

Honour is a ting which cant live amongst teef
Whole heap a informer walk easy on street
While you ina jail /wifey she start creep
The words which you use
Can diffuse or cause beef
Suppose your dog bite a child /cah it dont have a lead!
20 youth wayday kick out a big man teeth
Him two little daughter stand up tremble and weak..
Youthman? If you did deh/ then ano so you did see it?
Prison food/ little youth want mi eat?!!!

Hey youthman
Out a school
Just don’t go take too long
Money can mek easily
And you don’t have to do wrong
Example/ the whole world/ it run by the coulomb
Buy US trainers and jeans/ while the dollar don’t too strong
Need more African to study nuclear fusion
Two arm/ you can lift? gwan go get two van.
10 hand car wash everyday can take few grand..
Sit down with you bredren and work out a new plan
Mek this one you new song!!


Hey Youthman!!
Listen mi talk
No gwan like a fool man..
Some old time song from the proper old school man
Just take it cool
Cah time a get crucial…